Para Sa Bayan Quotes

Huag mag antay ang bayan ng puri at ginhawa, samantalang likó ang pagpapalaki sa batá, samantalang lugamí at mangmang ang babaing magpapalaki ñg anak. Walang maiinom sa labó at mapait na bukal; walang matamis na buñga sa punlang maasim.

[H]inirang niya (E. T. Daluz) ang Ilokanong “danóm” para sa liquid dahil ipinirme niya ang Tagalog na “tubig” para sa water; ang Bisayang “adlaw” para sa sun dahil ang Tagalog na “araw” ay para sa day; ang Bisayang “bulan” para sa moon dahil ang Tagalog na “buwán” ay para sa month . . . Kapampangang “balén” (municipality) at Tausug na “bansâ” (nation) upang ibukod sa kung tutuusin ay kasingkahulugang “bayan” (country) sa Tagalog.

Ang maging tagagawa ng katahimikan para sa kapakanan ng iilan ay katumbas na rin ng pagtataksil sa sariling bayan.

Datapwat ang pagmamadali ay lagi nang kakambal ng kawalang-ingat, hindi tayo makaaasang sa pagmamadali natin ay makagawa tayo nang buong husay . . . [G]agawin natin ang lahat ng paraan, mabuti man o hindi. . . . [N]alilimot na nila ang sariling budhi at ang pananagutan sa harap ng bayan. . . . Ang mabilisang pagkilos ay madaling makapagal sa isipan at di nagpapahintulot sa guniguni upang makapaglakbay nang malayo. . . . [A]ng pagmamadali upang matamo ang kadakilaan ay para na ring pagmamadali upang makarating sa huling hantungan. —Mula sa “Bakit Tayo Nagmamadali” ni Gemiliano Pineda