“
Our elders were very smart than we think.Look at how Direto give us so much details in understanding their movements and past events in general ,which tell us how to complete what they started .
Ba ga Mohlala
= Re Banareng babo Hlabirwa le Hlabirwana, Hlabirwa e mogolo wa Mphela Ngwaketse, re batho ba go tšwa boupo-boswana bosetla mabje a sebilo.
=Re batho ba gotšwa bodibane bja tšatši, bodiba boretelega bjo bole go matlabelong a bokone, ga bo lehlokwa lerekwa ka kgomo.
= Re banareng re dikgomo tsha sefoka difulela maribeng le madibeng a kgole, mowe bokgaka le bonong ba palelang go fihla gona.Heeee lena bana bago makatsha ditshaba le meleko kera bo mabina ba ija.
Hleng le bina Kgomo la eja di tlabile le boletebele ka maoto a masehla, gaba tsebe gore re filwe bogoshi bja batho le dibata tsha naga.Ke ka baka leo re binago raba raja.
= Ba ga Mohlala ga re ba nyane re ikgodiša ka legowa la pula, bana ba monamodi a ntwa ya Mogologolo re ra Hlong lehlankela Batswako ba Mosoma
= Ke morudi wa marumo a go hlabanela tsa gabo ....dikgomo tjesho gago yo a ka go dithopa eupša go ka kgaoga molamo hlogong ya yo a rumulago nna Mohlala. Mohlala mmelega ditshaba a ba a di bolotsa,ke mofenya dintwa ke fenya le basweu le mapono, ke fenyetse magoshi a mangwe dintwa. Ke rata khutso, ke hloile bao ba nthumulago.
= Ke batho bao ba boago motlamogale a magopa a re go gopa a loma a setla pelo bawedi. Bare bawedi bao Ba wela bjang ba wela ka ka theku ya rumo. Theku ya rumo ya robega ba tshea mabjana ba betsha. ke batho ba bo nngwanyane a Ratheku sedula bolepu,Modupi o dula lehu a le bona modipi holofela kgomo gageno mabele ke mpholo re epa nageng. Ke batho ba sedibana sa mong, sediba se se nwang ke mong kalana. Mmefi gee enwa sediba se se a biloga.
”
”