Sk Pottekkatt Quotes

അതിരാണിപ്പാടത്തെ പുതിയ തലമുറയുടെ കാവല്‍ക്കാരാ, അതിക്രമിച്ചു കടന്നത്‌ പൊറുക്കൂ - പഴയ കൌതുകവസ്തുക്കള്‍ തേടിനടക്കുന്ന ഒരു പരദേശിയാണ് ഞാന്‍

ശ്രീധരാ, ജീവിതം വഴിപിഴച്ചു വഷളാവാന്‍ തെറ്റുകള്‍ എമ്പാടുംവേണമെന്നില്ല. ചിലപ്പോള്‍ ഒരൊറ്റ തെറ്റു മതി- അവിവേകമായി ചെയ്ത ഒരു ദുഷ്കര്മത്തിന്റെ അനന്തരഫലമാണ് ഞാനിക്കാലമത്രയും അനുഭവിച്ചു കൊണ്ടിരിക്കുന്നത്. യൌവനാരംഭാത്തിന്റെ ചോരത്തിളപ്പില്‍ വീരസാഹസങ്ങള്‍ വിനോദങ്ങളായി തോന്നും . വികാരങ്ങള്‍ ശമിപ്പിക്കാന്‍ എന്ത് അഗ്നിപരീക്ഷകള്‍ക്കും ചെറുപ്പക്കാര്‍ തയ്യാറാവും. പുതുതായിചിറകുകള്‍ മുളച്ചു പുഴു പാറ്റയായിതീരുന്നു. പുഷ്പമെന്നു കരുതിയിട്ടല്ല ഈയല്‍പാറ്റ തീനാളതോടടുക്കുന്നത്. ഒന്ന് പൊരുതി നോക്കാമെന്ന അഹങ്കാരമാണ് അതിനെ അഗ്നിജ്വാലയോടേറ്റുമുട്ടിക്കുന്നത്. ചിറകു കരിഞ്ഞു പിടഞ്ഞു ചാവുകയും ചെയ്യുന്നു.

അപ്പോള്‍ ഇതാണ് നാരായണി. അരയ്ക്കു കീഴ്പ്പോട്ടു ചീമനില്ലാതെ കിടക്കുന്ന നാരായണി- ശ്രീധരന്‍ സഹതാപത്തോടെ നോക്കി. ആ ചെറിയ മുറിയുടെ പടിഞ്ഞാറു ഭാഗത്തെ ജാലകത്തിലൂടെ പോക്കു വെയില്‍ ആ പായിലേക്ക് പൊന്‍വെളിച്ചം പകര്‍ന്നുകൊടുത്തു.

ആ സൂര്യനിരീക്ഷകസ്വാമിയുടെ അദ്ഭുതപശ്ചര്യയുടെ ചിത്രം ഭക്തിപൂര്‍വ്വം മനസ്സില്‍ വിഭാവനംചെയ്തുകൊണ്ട് കൃഷ്ണന്‍മാസ്റ്ററും മഴക്കാലത്തു സൂര്യനെ ആകാശത്തില്‍ കണ്ടുകിട്ടതാവുമ്പോള്‍ ആ സന്യാസി എന്തുചെയ്യും എന്നു ചിന്തിച്ചുകൊണ്ട് ശ്രീധരനും തെല്ലിട മൗനധ്യാനത്തിലിരുന്നു.

I can give not what men call love but wilt thou accept not the worship the heart lifts above and the heavens reject not- the desire of the moth for the star Of the night for the morrow the devotion of something afar from the sphere of our sorrow? ലോകര്‍ പേര്‍ പറയുന്ന പ്രേമമെന്നത് നിന/ ക്കേകുവാന്‍ ഞാനെന്നിരിക്കിലും ഭദ്രേ!/സ്വീകരിക്കുകയില്ലേയെന്‍ ഹൃദ്യോത്സര്‍പ്പണം / സ്വര്‍ഗ്ഗവും നിരാകരിക്കാത്തതാമാരാധനം/ പാറ്റക്ക് വിന്‍താരയോടുള്ളതാമഭിലാഷം/ രാത്രിക്ക് പിറ്റെന്നാളോടുള്ളതാമത്യാസക്തി/ ഹാ വിദൂരതയിലോന്നിനു വേണ്ടി ശോക / ഭൂവില്‍ നിന്നുയരുന്ന ഭക്തിനിര്‍ഭരമോഹം