Pagbasa Quotes

Madaling gumaling ang sugat sa pisikal na pangangatawan ng tao. Ngunit ang sugat ng damdamin ay matagal maghilom. Kakabit ng pagkakaroon ng intimacy ang pagmamahal, at kakabit naman ng pagmamahal ang sakit. Mainam na huwag paglaruan ang damdamin ng iba at damahin na lamang ang saya at sarap ng buhay. —Mula sa isang papel-pananaliksik, p. 269

Kapag masyadong limitado ang pagtingin natin sa mga bagay-bagay, parang sinisilip natin ang buong mundo sa isang napakaliit na butas.

Ang regular na pagsipot ng guro sa klase ay nagpapakita ng pagpapahalaga sa kanyang propesyon at isang senyales ng mabuting pamamahala sa kanyang oras. Ang hindi pagsipot ng guro sa kanyang lektyur o klase nang walang sapat na dahilan ay nagpapahiwatig ng kawalan ng disiplina at pagsasawalang-bahala sa leksyong tatalakayin.