Mga Awit Quotes

Sa Maisan *   * Ang tula ay malayang pagsalin ni Jun Cabochan sa tulang “In Flanders Fields” na sinulat ni Lieut.-Col. John McCrae. �Namatay siya sa digmaan noong January 28, 1918.    Sa maisan umiihip ang damo sa pagitan ng mga lapida, mga tanda ng aming dugo Sa itaas, lumilipad ang mga ibon, patuloy sa pag-awit Halos di madinig sa gitna ng putukan   Kami ang mga patay Kailan lamang ay buhay kami Dama ang bukang-liwayway, Tanaw ang tanglaw ng lumulubog na araw Nagmamahal at minamahal Ngayon, nakaratay kami sa maisan   Ipagpatuloy ang aming laban para sa kapayapaan Mula sa mga namamanhid na kamay ipapasa sa iyo ang sulo Sa iyo na ito para iwagayway Kapag sumira ka sa ating sumpaan Di kami matatahimik, kahit pa Kumakalat ang damo sa maisan

Ay, ano nga ba ang ating kaugnayan? Hindi tayo magkaano-ano. Ganitong mga nagdaang danas lamang naman ang ating napagsaluhan, mga insidente at aksidenteng puta-putaking nagdaan sa ating buhay. Malapit na malayo't Malayong malapit, nakatanod sa pagtatalamitam. Naiiba ba ito sa mga sinaunang salaysay? May darating at may magpapaalam, may iibis at may sasakay, sa bawat kasalukuyan ng ating pag-iral. Maaaring kumurot ang tuwa, umusbong ang luha, at lagi, may antak na iwa. Nawa'y hindi tumiwalag ang puso kung ugnaya'y yumao. Nawa'y hindi masaling ang kaluluwa. kahit magtakipsilim ang umaga. Nawa'y hindi mapatid ang awit sa pagtigil ng hininga.