“
Gratë t’u nënshtrohen burrave të vet, porsi Zotit; përsè burri asht kryet e grues, ashtu sikursè Krishti asht kryet e Kishës, asht shëlbuesi i trupit të sajë. E sikursè Kisha i nënshtrohet Krishtit, kështu edhe gratë t’u nënshtrohen në gjithçka burrave të vet.
E ju, burra, dueni gratë tueja, ashtu si Krishti ka dashtë Kishën e për tê edhe ka dhanë jetën, për ta bâ shenjte, tue e pastrue me anën e gurrës së ujit të shoqnueme me fjalë, me njet që ta bânte Kishën e vet t’i dalë para tanë lumní, pa asnjë dangë apo hije rrudhe a çfarëdo të mete tjetër të ngjashme me këto, por shenjte e të panjollë.
Kështu edhe burrat e kanë me detyrë t’i duen gratë e veta sikursè duen trupin e vet, përsè kush don gruen e vet, don vetvetin.
Më të vërtetën, kurrkush deri më sot s’e ka mëni trupin e vet; përkundra, e ushqen e e kujdeson, ashtu si bân Krishti me Kishë, përsè, jemi gjymtyrë të trupit të tij.
Për ketë arsye burri ka me lanë babën e vet e nanën e vet e ka me u bashkue me gruen e vet e të dy se bashkut kanë me u bâ një trup i vetëm.
Ky mister asht përnjëmend i madh; e thom këtë në kuptimin e Krishtit e të Kishës së tij. Prandej edhe secili prej jush ta duejë gruen e vet si vetvetin, e grueja të jetë plot nderim ndaj burrit
”
”